Tekur við stjórn Royal Greenland í febrúar

Susanne Arfelt Rajamand mun taka við sem forstjóri grænlenska ríkisútgerðarfyrirtækinu Royal Greenland A/S frá og með 1. febrúar næstkomandi, að því er fram kemur í tilkynningu á vef félagsins.

Hún mun því taka við af Mikael Thinghuus sem lét af störfum í október síðastliðnum.

Frétt af mbl.is

Forstjóri Royal Greenland lætur af störfum

Rajamand er með mikla reynslu úr matvælaiðnaði en kemur þó úr nokkuð óvæntri átt og gegnir nú stöðu framkvæmdastjóra í Suðaustur-Asíu fyrir mjólkurafurðarisann Fonterra. Þar á undan átti hún meðal annars langan og farsælan feril hjá Unilever í Singapúr.

„Susanne hefur alþjóðlega reynslu og réttan persónuleika til að stýra mikilvægasta fyrirtæki Grænlands. Hún mun hjálpa til við að tryggja áframhaldandi þróun Royal Greenland á Grænlandi, en viðhalda alþjóðlegum áherslum,“ segir Maliina Abelsen, stjórnarformaður Royal Greenland, í tilkynningunni.

Tekur við góðu búi

Thinghuus tilkynnti í byrjun þessa árs að hann myndi láta af störfum en hann gengdi starfi forstjóra frá árinu 2009. Það ár var um fimm milljarða íslenskra króna tap hjá félaginu og þurftu grænlenska ríkið að styðja Royal Greenland með 500 milljóna danskra króna neyðarláni.

Árið 2021 var hins vegar mesti hagnaður í 250 ára sögu félagsins og nam hann alls 326 milljónum danskra króna, ígildi um 6,8 milljarða íslenskra króna.

Frétt af mbl.is

Mesti hagnaður í 250 ára sögu Royal Greenland

• Blogga um frétt