Tónlistarmaðurinn Lil Nas X hlaut heldur undarlega gjöf frá aðdáanda á tónleikum sínum í Stokkhólmi um helgina.

Einn tónleikagestanna tók sig til og fleygði kynlífsleikfangi í líkingu við múffu til söngvarans á meðan hann flutti lag sitt Panini á evrópsku Lollapalooza–hátíðinni sem haldin var á laugaradag.

„Hver kastaði pjöllu upp á svið?“ spurði söngvarinn sem virtist bara hafa gaman af atvikinu. Lil Nas X lét múffuna þó ekki stöðva sig frekar og hélt ótrauður áfram með flutninginn.

Frétt af mbl.is

Fékk ösku í poka upp á svið

Söngvarinn sem er best þekktur fyrir lagið Old Town Road er ekki eini tónlistarmaðurinn sem hefur verið að upplifa undarleg augnablik á tónleikum sínum upp á síðkastið.

Frétt af mbl.is

Fékk síma í andlitið á miðjum tónleikum

Frétt af mbl.is

Slegin í andlitið uppi á sviði

Nýlega fékk söngkonan Pink, poka sem innihélt ösku látinnar móður eins tónleikagests og söngkonurnar Ava Max og Bebe Rexha urðu báðar fyrir óskemmtilegum atvikum á tónleikum sínum. 

Ava Max var slegin í andlitið á tónleikum sínum í Los Angeles og Bebe Rexha fékk farsíma í andlitið með þeim afleiðingum að hún féll á sviðið og hlaut glóðarauga og skurð.