Á netinu má finna ótal lista yfir spennandi ferðamannastaði víðs vegar um Ísland. Algengt er að áfangastaðir eins og Geysir, Seljalandsfoss og Bláa Lónið prýði slíka lista.

Nýlega birtist listi á Lonley Planet yfir 12 staði sem allir verða að heimsækja á Íslandi. Í fyrsta sæti listans var þó enginn foss eða náttúrulaug heldur Mosfellsbær. 

1. Mosfellsbær

Í greininni er Mosfellsbæ lýst sem vinalegum nágranna Reykjavíkur. Helstu aðdráttaröflin eru sögð vera fellin sem umlykja bæinn, þar á meðal Úlfarsfell, Mosfell, Helgafell og Reykjafell, enda séu þar frábærar gönguleiðir. Þá er einnig talað um að Hafravatn sé falin perla á svæðinu, sérstaklega á góðum sumardegi.

Í kringum Mosfellsbæ er nóg af skemmtilegum gönguleiðum og náttúruperlum. mbl.is/Sigurður Bogi

2. Flúðir

Flúðir eru í öðru sæti listans, en í greininni eru staðir eins og Gamla laugin, Hraunalaug og Flúðasveppir nefndir. mbl.is/Sigurður Bogi

3. Stokkseyri

Stokkseyri er í þriðja sæti listans, en þar er mælt með að skella sér á kajak, heimsækja Draugasafnið og gæða sér á ljúffengu sjávarfangi á Fjöruborðinu. mbl.is/Árni Sæberg

4. Höfn

Næst á listanum er Höfn í Hornafirði, en þar er að sjálfsögðu mælt með því að fólk fái sér humar. mbl.is/Golli

5. Borgarfjörður Eystri

Mælt er með því að ferðalangar heimsæki Bakkagerði á Borgarfirði eystra, enda býr fjörðurinn yfir mikilli fegurð og ævintýralegri náttúru. Ljósmynd/Unsplash/Alberto Zanetti

6. Hallormsstaðaskógur

Í sjötta sæti listans er Hallormsstaðaskógur, en þar er mælt með að fólk tjaldi og njóti náttúrunnar í kring. Ljósmynd/Wikipedia.org/Christoph L. Hess

7. Húsavík

Í greininni fær Húsavík meðmæli, sérstaklega fyrir þá sem vilja fara í hvalaskoðun. Ljósmynd/Unsplash/Pedro Netto

8. Hauganes

Í áttunda sæti listans er Hauganes, en mælt er með því að baða sig í heitum pottum við fjöruna. Ljósmynd/Unsplash/Alberto Zanetti

9. Siglufjörður

Siglufjörður fær einnig meðmæli í greininni, þá sérstaklega fyrir þá sem vilja stunda vetraríþróttir eins og skíði eða gönguskíði. Ljósmynd/Unsplash/Luciano Braga

10. Hólmavík

Hólmavík er sagður vera sjarmerandi bær en einnig besti staðurinn til að skoða Strandirnar.

11. Flatey

Það er einstök upplifun að ganga um Flatey og skoða fallegu húsin sem prýða eyjuna í kyrrð og ró. Ljósmynd/Unsplash/Einar H. Reynis

12. Húsafell

Í tólfta sæti listans er náttúruparadísin Húsafell. Ljósmynd/Unsplash/Freysteinn G. Jonsson