Ljósmyndararnir Ása Steinarsdóttir og Sigurður Bjarni Pétursson voru á ferðalagi um Vestfirði á dögunum þegar þau fengu stórkostlega norðurljósasýningu. 

Ása og Sigurður Bjarni hafa bæði verið að gera það gott í ljósmynda- og ferðaheiminum, en þau eru dugleg að deila ævintýralegum myndum frá ferðalögum sínum á samfélagsmiðlum. 

Frétt af mbl.is

17 milljónir horft á myndbönd Ásu af eldgosinu

Frétt af mbl.is

Gisti í þaktjaldi uppi á hálendi í -15°C

Á dögunum voru þau á ferðalagi um Vestfirði, en eitt kvöldið fengu þau stórkostlega norðurljósasýningu á Flateyri. Þau birtu bæði efni frá kvöldinu á samfélagsmiðlum sínum sem hefur vakið þó nokkra athygli. 

Norðurljósin oft best í upphafi og lok tímabilsins

„Gærkvöldið. Var það þess virði að bíða? Þvílíka sýningin sem þetta var. Mín reynsla er sú að norðurljósatímabilið er oft best í upphafi og í lokinn. Mars er einn af síðustu góðu norðurljósamánuðunum á Íslandi.

Þessi mánuður virðist stefna í að verða góður! Með mikið af heiðskírum himni og mikilli virkni. Annar uppáhaldsnorðurljósamánuðurinn minn er september og október,“ skrifar Ása við magnað myndband frá kvöldinu. 

„Þvílíkt kvöld sem þetta var! Upplifun sem er eins og úr öðrum heimi á einum af mínum uppáhaldsstöðum á Íslandi, Vestfjörðum,“ skrifaði Sigurður Bjarni svo við myndir sem hann birti í „story“ á Instagram-síðu sinni. 

Sigurður Bjarni náði ótrúlegum myndum af norðurljósunum. Skjáskot/Instagram

Vestfirðirnir eru í sérstöku uppáhaldi hjá Sigurði Bjarna. Skjáskot/Instagram