Heimili | 1. febrúar 2024

Margrét leigir útsýnisperluna út á Airbnb

Á einstökum útsýnisstað við Meðalfellsvatn í Kjósinni er að finna töfrandi sumarhús sem er í eigu Margrétar Ásgeirsdóttur fjárfestis. Aukin lofthæð og stórir gólfsíðir gluggar gefa húsinu lúxus yfirbragð og veita guðdómlegt útsýni yfir vatnið og til fjalla.

Margrét leigir útsýnisperluna út á Airbnb

Heimili | 1. febrúar 2024

Margrét Ásgeirsdóttir fjárfestir er með sjarmerandi sumarbústað til útleigu á bókunarvef Airbnb. Samsett mynd

Sumarhúsið er til útleigu á bókunarvef Airbnb og kostar nóttin þar í júlímánuði 775 bandaríkjadali sem nemur rúmum 106 þúsund krónum á gengi dagsins í dag.

Verðmiðinn virðist þó breytast eftir árstíðum, en í febrúar kostar nóttin 415 bandaríkjadali, eða um 57 þúsund krónur.

Útsýnið setur punktinn yfir i-ið

Húsið hefur verið innréttað á sjarmerandi máta þar sem náttúruleg litapalletta og efniviður eru í forgrunni. Eldhús og stofa eru samliggjandi í rúmgóðu alrými með glugga á þrjá vegu.

Í eldhúsinu er falleg stílhrein dökk innrétting, en það sem stendur þó upp úr er glugginn og útsýnið sem gerir það að verkum að slegist verður um uppvaskið.