Hertoginn af Sussex, betur þekktur sem Harry Bretaprins, hefur tapað máli fyrir í máli gegn breskum stjórnvöldum vegna ákvörðun þeirra um að svipta hann rétti á lögregluvernd. 

Breska ríkisútvarpið greindi frá því að dómurinn hefði verið kveðinn upp í gær, en Bretaprinsinn fór fram á að ákvörðun ríkisins yrði snúið við.

Konungsfjölskyldan hefur rétt til ítarlegrar lögregluverndar en Harry og eiginkona hans, Meghan Markle, voru svipt réttinum á slíkri lögregluvernd árið 2020 eftir að þau sögðu skilið við opinber störf sín fyrir bresku krúnuna og fluttu til Bandaríkjanna. 

Er lögregluvernd þeirra nú metin að hverju sinni og eftir aðstæðum líkt og er gert með annað frægt fólk sem heimsækir Bretland. 

Frétt af mbl.is

Harry heimsækir Bretland án Meghan

Treystir sér ekki í heimsókn með fjölskylduna

Sögðu lögfræðingar Harry að þeir teldu sviptingu réttar hans á lögregluvernd óréttláta og ólöglega og bentu á að það væri Bretlandi og krúnunni til skammar ef fjölskyldan yrði fyrir árás vegna skorts á lögregluvernd.

Harry hefur sagt takmarkaða öryggisgæslu stefna honum og fjölskyldu hans í hættu og að ferðum hans til heimalandsins muni óneitanlega fækka ef hann treysti sér ekki í heimsóknir með börn sín og eiginkonu.

Frétt af mbl.is

Hótanir gegn Meghan raunverulegar

Dómarinn sagði að ákvarðanatakan hefði með engu verið ólögmæt né mætti kalla hana óréttmæta. Jafnvel þó að um ósanngirni í málsmeðferð hefði verið að ræða hefði það ekki breytt niðurstöðunni. 

Harry hefur þegar tapað svipuðu máli þar sem hann fór fram á að greiða sjálfur fyrir lögregluverndina sem hann fer fram á. Lögfræðingar hans segja að prinsinn hyggst áfrýja dóminum til Hæstaréttar Bretlands. 

Frétt af mbl.is

Fær ekki að borga fyrir lögregluvernd úr eigin vasa