Erlent | AFP | 23.12.2018 | 19:38 | Uppfært 22:49

Vilja koma í veg fyrir valdatafl í Sýrlandi

Recep Tayyip Erdogan Tyrklandsforseti og Donald Trump Bandaríkjaforseti. AFP

Recep Tayyip Erdogan, forseti Tyrklands, og Donald Trump, forseti Bandaríkjanna, komust að samkomulagi símleiðis í dag að gera allt sem í þeirra valdi stendur til að koma í veg fyrir valdatafl í Sýrlandi eftir að bandarískt herlið yfirgefur landið.

Trump greindi frá þessu á Twitter en einnig hefur borist tilkynning frá Hvíta húsinu og forsetaskrifstofu Tyrklands um símtal leiðtoganna.

I just had a long and productive call with President @RT_Erdogan of Turkey. We discussed ISIS, our mutual involvement in Syria, & the slow & highly coordinated pullout of U.S. troops from the area. After many years they are coming home. We also discussed heavily expanded Trade.
— Donald J. Trump (@realDonaldTrump) December 23, 2018

Fjórir dagar eru síðan Trump tilkynnti að draga eigi allt herlið Bandaríkjanna frá Sýrlandi. Bandaríski herinn hefur átt herlið í Sýrlandi síðan 2015 en nú eru þar 2.000 hermenn sem verða sendir heim á leið.

Tveir embættismenn hafa sagt af sé í kjölfar ákvörðunar Trumps. Jim Mattis varnarmálaráðherra sagði af sér embætti á fimmtudag og í gær ákvað Brett McGurk, sérfræðingur bandarískra stjórnvalda í málefnum Ríkis íslams, að segja upp störfum.