Rússnesk yfirvöld gerðu húsleit í íbúð Yulia Polukhina, blaðakonu á rússneska stjórnarandstöðublaðinu Nvoaya Gazeta og fluttu hana „á óþekktan stað“, að því er kom fram í yfirlýsingu frá blaðinu.
„Enn sem komið er lítur þetta út eins og mannrán,“ sagði í yfirlýsingunni.
Searches by the investigators were conducted in the apartment of Yulia Polukhina, a special correspondent of the independent Russian outlet @NovayaGazeta, on December 26. As the media reported, searches are connected with her stories about the war in #Donbas.#Russia, #Ukraine pic.twitter.com/FEuljtp56E
— Hromadske Int. (@Hromadske) December 26, 2019
Þar kom fram að leitin tengist fréttum Novaya Gazeta sem meðal annars hafa fjallað um „ólöglegar vopnaðar sveitir“ sem starfa á stríðshrjáðu svæði í austurhluta Úkraínu þar sem Úkraínumenn berjast við aðskilnaðarsinna, hliðholla Rússum.
Lögreglan gerði einnig húsleit á skrifstofu Alexei Navalny, leiðtoga stjórnarandstöðu Rússlands, eins og hún hefur áður gert.
Navalny greindi frá því í gær að einn af samherjum hans hefði verið tekinn höndum og sendur á afskekkta herstöð á norðurskautssvæðinu. Segja stuðningsmenn Navalny það ekkert vera annað en mannrán.
„Hann gat hringt tvisvar í okkur og við komumst af því að hann er staddur í Novaya Zemlya og ísbirnir eru á vappi þarna skammt frá,“ sagði Navalny.