Kim á lífi og líður vel
Setja bókamerki
Leiðtogi Norður-Kóreu, Kim Jong-un, er á lífi og líður vel segir helsti þjóðaröryggissérfræðingur forseta Suður-Kóreu, Moon Chung-in. Alls konar getgátur hafa verið á lofti varðandi heilsufar Kim að undanförnu þar sem hann hefur ekki verið viðstaddur tvo merkisviðburði í landinu. Þar á meðal hátíðarhöld í tilfefn af fæðingardegi afa hans, Kim Il sung, 15. apríl.
Moon segir í samtali við CNN í gærkvöldi að Kim dvelji í Wonsan, sem er sumarleyfisdvalarstaður í austurhluta landsins. Þar hafi Kim dvalið síðan 13. apríl og ekkert grunsamlegt hafi komið fram.
Kim hefur ekki komið fram opinberlega frá 11. apríl en daginn eftir voru birtar fréttir af honum að skoða orrustuþotur á herflugvelli. Vegna þess hversu langt er liðið frá því hann kom fram opinberlega hafa fjölmiðlar keppst við að birta fréttir um líðan hans en stjórnvöld í Suður-Kóreu segja að ekkert hafi komið fram sem bendi til þess að eitthvað óvenjulegt sé á seyði í nágrannaríkinu.
Vangaveltur gengu lengra en innistæða var fyrir
Tveir í haldi grunaðir um mansal og smygl á fólki
Finnar og Svíar taka ekki á móti særðum frá Gasa
Búið að fella björninn
Óvenjuleg tilkynning: 19 í gæsluvarðhaldi
Grænlendingar vildu ekki fá björninn til baka
Glæpastarfsemi orðin mun skipulagðari