Mississippi fjarlægir suðurríkjafánann
Setja bókamerki
Báðar deildir ríkisþings Mississippi hafa samþykkt lög um að fjarlægja fána suðurríkjanna úr ríkisfánanum. Þá hefur repúblikaninn Tate Reeves ríkisstjóri sagst munu skrifa undir nýju lögin. Öruggur meirihluti var fyrir breytingunni í báðum deildum þingsins, 91-23 í fulltrúadeild en 37-14 í öldungadeild.
Mississippi er síðasta ríki Bandaríkjanna til að fjarlægja tákn suðurríkjanna úr fána sínum. Fáninn var tekinn í notkun árið 1894, tæpum fjörutíu árum eftir að bandarísku borgarastyrjöldinni lauk með ósigri suðurríkjanna.
Margir hafa mótmælt því að suðurríkjunum hafi verið gert svo hátt undir höfði og þótt fáninn tákn um rasisma og virðingu fyrir landráðamönnunum sem sögðu sig úr bandarískum lögum. Hefur sjónarmið það fengið byr undir báða vængi í mótmælum gegn kynþáttafordómum sem geisað hafa um öll Bandaríkin síðustu vikur, og má segja að hér sé um enn einn áfangasigur mótmælenda að ræða.
Níu manna nefnd verður skipuð til að hanna nýjan fána og verður kosið um hann í nóvember, en þegar liggur fyrir að hann mun innihalda kjörorðið „Við treystum á Guð“ (e. In God We Trust).
Óánægja er með áform um efnistöku
Finnar og Svíar taka ekki á móti særðum frá Gasa
Of margir nemendur og ákall um hæft starfsfólk
Eina leiðin var að fella björninn
Tveir í haldi grunaðir um mansal og smygl á fólki
Gerðu umfangsmiklar loftárásir á Líbanon
Grænlendingar vildu ekki fá björninn til baka