Emmanuel Macron, Frakklandsforseti, neitaði að fara í PCR-próf í Rússlandi fyrir fund sinn með Vladímír Pútín, Rússlandsforseta, á mánudag.

Frétt af mbl.is

Macron segist hafa sannfært Pútín

Eftir fundinn sagðist Macron hafa sannfært Pútín um að magna ekki Úkraínu­deil­una upp á nýtt stig. Nokkurra athygli vakti þó hve mikil fjarlægð var á milli leiðtoganna á fundinum, en þeir sátu með fjögurra metra langt borð á milli sín.

Ekki er talið að fjarlægðin hafi verið að ástæðulausu en samkvæmt heimildum breska ríkisútvarpsins neitaði Macron að fara í PCR-próf í Rússlandi af ótta við að Rússar hefðu þar af leiðandi erfðaefni hans undir höndum.

Hafði um tvennt að velja fyrir fundinn

„Prófið krafðist heilbrigðisreglna sem voru óviðunandi og pössuðu ekki við áætlun franska leiðtogans,“ sagði franskur heimildarmaður við breska ríkisútvarpið. 

Leiðtogarnir héldu mikilli fjarlægð hvor frá öðrum. AFP

Að sögn heimildarmannsins hafði Macron um tvennt að velja, að gangast undir PCR-próf í Rússlandi eða að hlíta ströngum fjarlægðarreglum.

„Við vissum vel að það þýddi ekkert handaband og þetta langa borð. En við gátum ekki sætt okkur við að þeir næðu DNA forsetans," sagði einn heimildarmannanna við fréttstofu Reuters. Macron hafði farið í PCR-próf í Frakklandi og þegar hann var kominn til Rússlands, sem framkvæmt var af lækni forsetans.

Í gær tók Pútín á móti Kassym-Jomart Tokayev, forseta Kasakstan, og sátu þeir með talsvert minna borð á milli sín en á fyrri fundi Pútín. AFP

Sátu með lítið kaffiborð sín á milli

Kremlverjar staðfestu að Macron hefði verið haldið í fjarlægð frá rússneska leiðtoganum þar sem hann hefði neitað að gangast undir PCR-próf.

Dmitry Peskov, talsmaður Kreml, sagði að Rússar skildu afstöðu Frakka og hún hefði ekki haft áhrif á viðræðurnar.

Í gær tók Pútín á móti Kassym-Jomart Tokayev, forseta Kasakstan, aðeins þremur dögum eftir fund Pútíns og Macron.

Sátu þeir einungis með lítið kaffiborð sín á milli á fundinum og tókust í hendur og var því töluverður munur á fundunum tveimur.

AFP

Tengdar fréttir

Rússland

Rússar leggja hald á bankaeignir

• Rússar taldir undirbúa árásir gegn Vesturlöndum
• Pútín leggur óvæntan ráðherrakapal
• Pútín hótar aftur kjarnavopnum
• Rússneskur maður ákærður fyrir hryðjuverk

» Fleiri tengdar fréttir

• Blogga um frétt