Tala látinna komin í 1.800
Setja bókamerki
Eftir því sem liðið hefur á daginn hefur tala látinna hækkað í Tyrklandi og Sýrlandi eftir skelfilega jarðskjálftahrinu sem hófst snemma í morgun kl. 4:17 að staðartíma. Að minnsta kosti 783 manns létust í Sýrlandi, að sögn ríkisfjölmiðla og lækna. Aðrir 1.014 létust í Tyrklandi, að sögn Recep Tayyip Erdogan Tyrklandsforseta.
Í kjölfar upphafsskjálftans fylgdu 50 eftirskjálftar í kjölfarið, og þar á meðal sá stærsti upp á 7,5 að stærð. Hann gekk yfir þegar bæði leitar- og björgunarstarf var hafið rétt eftir hádegið. Þeir sem lifðu skjálftann af þustu út á snævi þaktar göturnar á náttfötunum og horfðu á björgunarmenn grafa sig í gegnum brakið af skemmdum heimilum með höndunum.
Skelfing að vita af fjölskyldunni í rústunum
„Sjö úr fjölskyldu minni eru undir brakinu,“ sagði Muhittin Orakci, sem var í áfalli í kúrdísku borginni Diyarbakir í Tyrklandi við AFP-fréttastofuna.
„Systir mín og börnin hennar þrjú eru þarna. Og líka maðurinn hennar, tengdafaðir hennar og tengdamóðir.“
Flugvellir óstarfhæfir vegna skjálftanna
Kuldi og snjór hefur hamlað björgunarstarfinu og að sögn embættismanna voru þrír stórir flugvellir óstarfhæfir vegna skjálftans. Rafmagnsleysi er út um allt og heilu bæjarhverfin eru rústir einar. Búist er við að fjöldi manns sé enn í rústunum en aðstæður gera björgunina erfiða.
Svæðið er mikið jarðskjálftasvæði, en skjálfti af þessari stærð hefur ekki dunið á síðan 1939 þegar 33 þúsund manns létust í Erzincan, austurhéraði Tyrklands.
Björninn sagður nálægt byggð
Gerðu umfangsmiklar loftárásir á Líbanon
Grænlendingar vildu ekki fá björninn til baka
Eina leiðin var að fella björninn
Finnar og Svíar taka ekki á móti særðum frá Gasa
Komu saman á kyrrðar- og bænastund