Ísraelskir hermenn drápu í dag þrjá gísla sem voru í haldi Hamas-hryðjuverkasamtakanna.

Í yfirlýsingu Ísraelshers segir að um mistök hafi verið að ræða og að hermennirnir hafi staðið í þeirri trú að gíslarnir væru „ógn“.

„Við bardaga í Shejaiya taldi ísraelski herinn fyrir mistök að þrír ísraelskir gíslar væru ógn. Fyrir vikið skutu hermennirnir í átt að þeim og voru þeir drepnir,“ segir í yfirlýsingunni.

Kemur einnig fram að herinn sjái eftir þessu dapurlega atviki.

Tveir gíslar voru nafngreindir, hétu þeir  Yotam Haim og Samer El-Talalqa. Báðir voru teknir í gíslingu þann 7. október.

Herinn hefur ekki birt nafn þriðja einstaklingsins að ósk aðstandenda.

Tengdar fréttir

Ísrael/Palestína

Valdbeiting það eina í stöðunni að sögn lögreglu

• Hyggst brúa bilið milli Hamas og Ísraels
• Heita því að efla árásir á Ísrael
• Hisbollah-liðar gerðu árásir á Ísrael
• Frekari blóðsúthellingar geti aðeins hjálpað

» Fleiri tengdar fréttir

• Blogga um frétt