Ísraelar ævareiðir yfir ákvörðun Evrópulandanna
Setja bókamerki
Ísraelar eru ævareiðir yfir ákvörðun Írlands, Noregs og Spánar um að viðurkenna sjálfstæði Palestínu.
Löndin tilkynntu um ákvörðun sína í dag og hyggjast þau öll viðurkenna ríki Palestínu formlega þann 28. maí. Ákvörðunin hefur vakið lof margra landa í araba- og múslimaheiminum.
Jafngildi verðlaunum fyrir hryðjuverk
Benjamín Netanjahú, forsætisráðherra Ísraels, segir ákvörðun ríkjanna um að viðurkenna sjálfstæði Palestínu jafngilda „verðlaunum fyrir hryðjuverk“ enda hafi Hamas-hryðjuverkasamtökin hafið átökin með árás sinni þann 7. október.
Síðan löndin tilkynntu um ákvörðun sína í dag hafa Ísraelar kallað heim bæði sendifulltrúa sína og sendiherra frá Dublin, Osló og Madríd til að ræða málin frekar.
Þjóðaröryggisráðherra Ísraels, Itamar Ben Gvir, er sama sinnis og Netanjahú og segir ákvörðunina verðlauna „morðingja og árásarmenn“.
Ekki hægt að bíða með ákvörðunina
Í yfirlýsingu frá Hvíta húsinu segir að Joe Biden forseti sé andvígur einhliða viðurkenningu á sjálfstæði Palestínu. Hann vilji frekar að það gerist með „beinum samningaviðræðum“.
Flestar vestrænar ríkisstjórnir, þar á meðal Bandaríkin, segjast reiðubúnar til að viðurkenna palestínskt ríki einn daginn. Það vilja ríkisstjórnirnar þó ekki gera fyrr en vandmeðfarin mál eru leyst. Þar á meðal mál er varða endanleg landamæri og stöðu Jerúsalem.
Jonas Gahr Støre, forsætisráðherra Noregs, er þó ekki þeirrar skoðunar að hægt sé að bíða með ákvörðunina þar til eftir að friðarsamkomulag næst. Þannig segir hann að viðurkenning á Palestínu sé leið til að „styðja hófsöm öfl sem hafa verið að tapa fylgi í langvarandi og hrottalegum átökum.“
Tveggja ríkja lausnin í hættu
Pedro Sanchez, forsætisráðherra Spánar, segir að Netanjahú „valdi svo miklum sársauka, eyðileggingu og gremju á Gasa og restinni af Palestínu að tveggja ríkja lausnin sé í hættu.“
Þá kallaði Simon Harris, forsætisráðherra Írlands, árásina þann 7. október „villimannslega“ en lagði á sama tíma áherslu á að „tveggja ríkja lausn væri eina leiðin út úr kynslóðalotu ofbeldis, hefndaraðgerða og gremju.“
Ríkisendurskoðun sögð villa um fyrir Alþingi
Helsta sóknarfærið í elstu hópunum
Samgönguáætlun frestað til næsta þings
Ótímasett jarðgöng sögð eina lausnin
Hvergi nærri hætt – Boðar annað útlendingafrumvarp
„Hefur ótrúleg áhrif á líf fólks“
„Er til bóta en búið að þynna það allt of mikið“
Guðni snýr aftur til starfa hjá HÍ
