Knattspyrnufélagið Víkingur úr Reykjavík var sektað fyrir hæstu upphæðina vegna agamála meistaraflokksliða sinna árið 2023 samkvæmt nýrri skýrslu KSÍ og Deloitte.
Víkingar, sem urðu Íslands-og bikarmeistarar karlamegin og bikarmeistarar kvennamegin, fengu alls 448 þúsund krónur í sekt fyrir hin ýmsu atriði, vegna gulra og rauðra spjalda leikmanna, brottvísana liðsstjóra og þjálfara í leikjum, eða vegna sekta í kjölfar skýrslna frá eftirlitsmanni og/eða dómara.
KA kom næst með 240 þúsund. ÍBV fékk 216 þúsund í sekt og Stjarnan 200 þúsund.
Tekin voru fyrir liðin í Bestu deildum karla og kvenna frá 2020 - 2023.
Listinn í heild sinni:
Hjá stjörnumerktum liðum fengust ekki öll gögn.
Víkingur - 448 þúsund
KA - 240 þúsund
ÍBV* - 216 þúsund
Stjarnan - 200 þúsund
FH - 158 þúsund
Keflavík - 84 þúsund
Þróttur R. - 48 þúsund
Fylkir - 40 þúsund
KR - 36 þúsund
Afturelding - 32 þúsund
Fjölnir - 32 þúsund
Grótta - 32 þúsund
ÍA - 28 þúsund
Selfoss* - 28 þúsund
Breiðablik - 24 þúsund
Fram* - 24 þúsund
HK - 20 þúsund
Leiknir R. - 20 þúsund
Valur* - 20 þúsund
Tindastóll* - 12 þúsund