„Það er mikið að hjá Liverpool í augnablikinu,“ sagði Jóhann Berg Guðmundsson, leikmaður Burnley, í Vellinum á Símanum Sport þegar rætt var um gengi Liverpool í ensku úrvalsdeildinni í knattspyrnu í upphafi tímabilsins.
Liverpool hefur ekki farið vel af stað á tímabilinu en liðið hefur aðeins unnið tvo leiki af sex í úrvalsdeildinni til þessa.
„Það virðist vanta einhvern takt í Liverpool-liðið og miðjumenn liðsins sem dæmi hlupu alltaf endalaust og pressuðu endalaust,“ sagði Jóhann Berg.
„Núna ertu kominn með yngri leikmenn sem eru að finna taktinn í liðinu og það er líka mikið af meiðslum, sem hjálpar þeim ekki,“ sagði Jóhann Berg meðal annars.