Ragnheiður Sara Sigmundsdóttir, afrekskona í crossfit, sigraði um helgina á móti sem ber heitið Strength in Depth og fór fram í London. Því er ljóst að hún verður á meðal þátttakenda á heimsleikunum, sem fram fara í ágúst.

Breyt­ing var gerð á undan­keppni heims­leik­anna í cross­fit í ár og nú eru leiðirn­ar inn á leik­ana fjöl­breytt­ari, en mótið um helg­ina er eitt af sex­tán í nýrri mótaröð þar sem sig­ur­veg­ari í hverj­um flokki, það er karla, kvenna og liðaflokki, fær keppn­is­rétt á heims­leik­un­um.

Áður lá leið Söru og hinna Íslendinganna sem eru í fremstu röð í crossfit-heiminum í gegnum sérstaka Evrópuleika, en nú eru möguleikarnir fleiri til þess að tryggja þátttökurétt sinn á meðal þeirra hraustustu í heimi.

Frétt af mbl.is

„Ég er orðin Sara aftur“

Sara skaut keppinautum sínum ref fyrir rass og endaði með 682 stig, en Jamie Greene frá Ástralíu og Dani Speegle frá Bandaríkjunum enduðu í 2. og 3. sæti með 638 og 602 stig.

Tengdar fréttir

Crossfit

Bergrós fimmta besta í heimi

• Staðfesta nafn látins Crossfit-keppanda
• Íslenskar crossfit-stjörnur minnast hins látna
• Fannst látinn á heimsleikunum
• Telja keppanda hafa drukknað á heimsleikunum

» Fleiri tengdar fréttir

• Blogga um frétt