Thelma Björg Björnsdóttir, sundkona úr ÍFR, keppti á dögunum í þremur greinum á Opna þýska meistaramótinu sem fram fór í Berlín.
Thelma keppti fyrst í 100 metra bringusundi. Komst hún í úrslit og synti þar á tímanum 1:56,00.
Næst keppti hún í 100 metra skriðsundi og synti á 1:30,18 mínútum. 50 metra skriðsund synti hún á 41,31 sekúndu.
Thelma Björg er ein þeirra Íslendinga sem keppa á Paralympics síðar í sumar. Fram kemur á heimasíðu Íþróttasambands fatlaðra að nú taki við æfingabúðir og annar undirbúningur fyrir leikana í Tókýó.