Tryggvi Þórisson og liðsfélagar hans í Sävehof eru einum sigri frá því að tryggja sér sænska meistaratitilinn í handknattleik eftir sigur á Ystad, 39:37, í framlengdum þriðja leik úrslitaeinvígis liðanna í Sävehof í kvöld.
Sävehof er 2:1 yfir í einvíginu og getur tryggt sér meistaratitilinn í fjórða leik liðanna næstkomandi þriðjudag.
Tryggvi komst ekki á blað en lét til sín taka í vörninni eins og venjulega.
Færeyingurinn Óli Mittún átti stórleik í liði Sävehof er hann skoraði níu mörk.