Lét forseta FIFA heyra það

Hadja Lahbib, utanríkisráðherra Belgíu, var á meðan áhorfenda á leik Belgíu og Kanada á HM karla í fótbolta í gær. Var hún í heiðursstúkunni á Ahmed bin Ali-vellinum í Al Rayyan.

Frétt af mbl.is

Þjóðverjar ætla í mál við FIFA

Gianni Infantino, hinn umdeildi forseti FIFA, var einnig í stúkunni og Lahbib nýtti tækifærið til að lesa Ítalanum pistilinn.

Frétt af mbl.is

Þjóðverjar sendu skilaboð á vellinum

Lahbib var með „One love“ fyrirliðabandið í stúkunni, en FIFA olli miklu fjaðrafoki með því að banna fyrirliðum sjö Evrópuþjóða að vera með bandið í leikjum á HM.

Knattspyrnusambönd þjóðanna sjö eru ósátt með vinnubrögð FIFA þegar kemur að fyrirliðaböndunum og hefur knattspyrnusamband Danmerkur m.a. sakað FIFA um kúgun og hótað útgöngu úr FIFA. Þá ætlar þýska sambandið að höfða mál gegn sambandinu. 

• Blogga um frétt