Tóku sýni úr skipverja Gnúps í varúðarskyni
Setja bókamerki
Sýni var tekið úr einum einstaklingi í áhöfn Gnúps GK við Skarfabakka í Reykjavík í morgun. Hafði verið tilkynnt um veikindi um borð og beindi Landhelgisgæslan Gnúpi að Skarfabakka. Þetta staðfestir Gunnar Tómasson, framkvæmdastjóri Þorbjarnar sem gerir út skipið, í samtali við 200 mílur.
Hann segir að um vararáðstöfun sé að ræða og að gripið til hennar til þess að verja skipverjanna. Ekki liggur fyrir að um kórónuveirusmit sé að ræða, enda mun ekki niðurstaða úr sýnatökunni liggja fyrir fyrr en í fyrsta lagi síðdegis í dag, útskýrir Gunnar. „ Við viljum bara vita hvaða sjúkdómur þetta er og á meðan er málið bara í biðstöðu.“
„Það hefur allt sinn eðlilega farveg þegar veikindi koma upp í skipi, en nú eru tímarnir aðrir og verðum að vinna þetta öðruvísi og í samráði við sóttvarnalækni og Landhelgisgæsluna,“ segir hann. Spurður hvernig hljóðið sé í áhöfninni segir hann það gott. „Þeir munu bíða þetta af sér. Þeir eru komnir út á flóa og eru að klára að vinna þann afla sem var kominn um borð á meðan er verið að bíða eftir niðurstöðum.“
Fjarskiptatæki um alla borg sprungu samtímis
Glæpastarfsemi orðin mun skipulagðari
Björninn sagður nálægt byggð
Tveir í haldi grunaðir um mansal og smygl á fólki
Lögreglan leitar eftir myndefni í tengslum við andlátið
Quang Le: „Rottuskíturinn kom mér á óvart“
„Hví erum við dýrasta land í heimi?“