„Allt gert til að veita þeim áfallahjálp“

Útgerðarstjóri fyrirtækisins sem skráð er eigandi fiskiskipsins sem nú er við bryggju á Vopnafirði, eftir að hafa misst sjómann fyrir borð í gærkvöldi, hrósar í samtali við 200 mílur leigutaka skipsins fyrir skjót og fagmannleg viðbrögð sem miða að því að veita áhöfninni þá þjónustu sem hún þarfnast.

„Það er allt gert til þess að tryggja líðan þeirra. Það kom til þeirra prestur í gærkvöldi og allt er gert til að veita þeim áfallahjálp,“ segir hann. „Það hefur verið alveg til fyrirmyndar hvernig brugðist var við. Þeir hafa komið alveg rosalega vel fram við áhöfnina,“ segir útgerðarstjórinn.

Hann kveðst ekki vilja tjá sig frekar um málið að svo stöddu en segist vona að sjómaðurinn finnist sem fyrst.

Frétt af mbl.is

Aðstæður til leitar góðar

• Blogga um frétt