Hagnaður Samherja Holding um fjórir milljarðar
Setja bókamerki
Hagnaður Samherja Holding ehf. nam 27,4 milljónum evra árið 2020 sem samsvarar um fjórum milljörðum króna.
Hagnaður félagsins hefur stóraukist miðað við árið 2019 en þá nam hagnaður félagsins 1,4 milljónum evra.
Tekjur Samherja Holding af seldum vörum námu 308,6 milljónum evra árið 2020 sem er töluverð lækkun miðað við árið á undan en þá námu þær 355,7 milljónum evra. Þetta kemur fram á vef Samherja.
Óvissa um málarekstur í Namibíu
Eignir Samherja Holding námu 585,4 milljónum evra í lok ársins 2020, miðað við 627 milljónum evra árinu áður.
Eigið fé félagsins nam 393,2 milljónum evra við lok 2020, samanborið við 392,4 milljónum evra árið áður.
Talsverð óvissa ríkir um málarekstur vegna fjárhagslegra uppgjöra sem tengjast rekstri Samherja Holding í Namibíu en stjórn Samherja gerir fyrirvara um uppgjör þess félags sem annaðist starfsemnina þar.
Alls hafa tíu einstaklingar verið ákærðir í Namibíu í tengslum við ólögleg viðskipti með veiðiheimildir þar í landi. Enginn Íslendingur hefur verið ákærður.
Rekstur Samherja Holding felst í útgerð, landvinnslu, markaðs- og sölustarfsemi auk flutningastarfsemi.
Umsvifamesti þátturinn í rekstri samstæðunnar eru sjávarútvegsfyrirtæki í Evrópu og Norður-Ameríku.
Þyrla Gæslunnar sinnti óvenjulegu verkefni
Vendingar vestanhafs geti haft áhrif hér heima
Mikill viðbúnaður við Sæbraut
Grænlendingar vildu ekki fá björninn til baka
Glæpastarfsemi orðin mun skipulagðari
Birtu ekki dóm yfir fyrrverandi forseta bæjarstjórnar
Fjöldi í varðhaldi – mikið haldlagt á árinu