Carroll Shelby látinn
Setja bókamerki
Carroll Hall Shelby, sem nefna má frægasta bílahönnuð heims, er látinn, 89 ára að aldri. Shelby lést á Baylor-sjúkrahúsinu í Dallas í gær en hann var lagður inn vegna lungnabólgu. Fyrirtæki hans, Shelby American, tilkynnti lát hans.
Ford Shelby Mustang er ein af frægustu bíltegundum sögunnar. Fyrstu Shelby-bílarnir komu á markað árið 1965 og nú síðast í apríl var Shelby GT1000 frumsýndur.
Carroll Shelby fæddist 11. janúar 1923 í Texas. Hann keppti lengi vel sjálfur í akstursíþróttum og ók fyrir helstu bílaframleiðendur heims, m.a. Ferrari. Hann þurfti að hverfa frá keppni árið 1960 vegna hjartakvilla.
Þegar keppnisferlinum lauk hófst annar ferill; í bílahönnun. Hann varð goðsögn í greininni og starfaði fram til dauðadags hjá fyrirtæki sínu.
Fjórir látnir eftir að hús hrundi á Mallorca
Mikilvægt að bankarnir taki niðurstöðunni alvarlega
„Ástæða til að verja einkasölu ÁTVR út frá lýðheilsunni“
Ólíðandi stjórnsýsla
Svör allra frambjóðenda við sjö spurningum
Forvarnir geðlægða geta bætt og lengt líf
„Lífið er gott og ég meina það“