Hafa deilt upptökum með öðrum ríkjum
Setja bókamerki
Tyrkir hafa deilt upptökum frá ræðismannsskrifstofu Sádi Arabíu í Istanbúl í tengslum við morðið á sádi-arabíska blaðamanninum Jamal Khashoggi með Bandaríkjamönnum, Bretum, Þjóðverjum, Sádum og fleiri ríkjum.
Þetta kom fram í máli Recep Tayyip Erdogan, forseta Tyrklands í dag, en Khashoggi var myrtur á ræðismannsskrifstofunni 2. október sl., en ekkert ríki hefur þó staðfest að hafa upptökurnar undir höndum.
Líkamsleifarnar leystar upp í sýru
Sádar hafa viðurkennt að Khashoggi hafi verið myrtur á ræðismannsskrifstofunni og fram kom í tyrkneskum fjölmiðlum í dag að líkamsleifar Khashoggi hafi verið leystar upp í sýru og hellt niður. Sýni úr niðurföllum ræðismannsskrifstofunnar munu hafa sýnt merki um sýru.
Sádar hafa neitað fyrir að meðlimir konungsfjölskyldunnar hafi haft nokkuð með morðið á Khashoggi að gera, en hann hafði gagnrýnt yfirvöld í Sádi Arabíu í skrifum sínum, einkum í greinum bandaríska dagblaðsins Washington Post.
Ekkert ríki staðfest afhendingu upptökunnar
Sádar hafa verið tvísaga um afdrif Khashoggi og í upphafi sögðu þeir hann hafa yfirgefið ræðismannsskrifstofuna óskaddaður. 18 manns hafa verið handteknir, grunaðir um morðið, og verða þeir saksóttir í Sádi Arabíu. Tyrkir hafa farið fram á framsal hinna grunuðu.
Ekkert ríki hefur játað því að hafa heyrt umræddar upptökur og utanríkisráðuneyti Breta hefur hvorki staðfest né neitað því að hafa fengið upptökurnar afhentar.
Tveir í haldi grunaðir um mansal og smygl á fólki
Óvenjuleg tilkynning: 19 í gæsluvarðhaldi
Segja 20 liðsmenn Hisbollah látna
Lögreglan leitar eftir myndefni í tengslum við andlátið
740 milljón króna sígarettusmygl
Björninn sagður nálægt byggð
Glæpastarfsemi orðin mun skipulagðari