Trump aflýsir Póllandsferð sökum Dorian
Setja bókamerki
Donald Trump, forseti Bandaríkjanna, hefur aflýst för sinni til Póllands um helgina. Hann vill vera til taks þegar fellibylurinn Dorian gengur á land í Flórída seint á sunnudag, ef marka má nýjustu spár.
Trump segist vilja tryggja að öllum úrræðum sem alríkisstjórnin geti boðið upp á verði beint að íbúum Flórída, þurfi þeir á þeim að halda.
Minningarathöfn verður haldin í Varsjá um helgina þar sem áttatíu ár eru liðin frá upphafi síðari heimstyrjaldarinnar. Mike Pence, varaforseti Bandaríkjanna, verður viðstaddur í stað Trump, en hann er svo væntanlegur til Íslands á miðvikudag.
Upphaflega stóð til að Trump myndi heimsækja Danmörku í framhaldi af Póllandsheimsókninni en það hefur vart farið framhjá neinum að þeirri heimsókn aflýsti Trump eftir að forsætisráðherra Dana tók illa í hugmyndir hans um kaup á Grænlandi.
Davíð Viðarsson var skyndihugdetta
Komu saman á kyrrðar- og bænastund
Gerðu umfangsmiklar loftárásir á Líbabon
Eina leiðin var að fella björninn
Grænlendingar vildu ekki fá björninn til baka
Óvenjuleg tilkynning: 19 í gæsluvarðhaldi
Of margir nemendur og ákall um hæft starfsfólk