Jens Stoltenberg, framkvæmdastjóri NATO, segir ekkert benda til þess að rússneskar hersveitir séu að færa sig frá landamærum Úkraínu, þrátt fyrir fullyrðingar Rússa um að hermenn hafi hafi hörfað frá landamærum Úkraínu.

Þetta kom fram í máli framkvæmdastjórans á leiðtogafundi varnarmálaráðherra NATO í Brussel í dag. Sagði hann að Rússar hefðu enn risastórt herlið tilbúið til að ráðast inn í Úkraínu.

Hann varaði við því að sú ógn sem stafar af Rússum væri farin að þykja eðlileg og bætti við að varnarbandalagið væri að íhuga að styrkja austurhlið sína.

Áframhaldandi aðgerðir til að styrkja evrópskar varnir

Á leiðtogafundinum sagði Stoltenberg að bandalagið væri að íhuga að koma á fót nýjum bardagahópum, minnstu tegund sjálfbærra hersveita, í Mið- og Suðaustur Evrópu.

Hann sagði þetta vera hluta af áframhaldandi aðgerðum til að styrkja evrópskar varnir. Að hans sögn hefur Frakkland boðist til að leiða einn slíkan hóp hermanna í Rúmeníu.

Rússar neituðu síðar mati Stoltenbergs á ástandinu. Talsmaður Kreml ítrekaði að verið væri að kalla nokkra hermenn til baka eftir að heræfingum hefði verið lokið.

Varnarmálaráðuneyti þess birti einnig myndband þar sem á að sjást í skriðdreka á leið frá Krímskaga.

Tengdar fréttir

Úkraína

Tíu létust í árásum í Karkív-héraði

• Telur að Rússar herði sókn sína í norðaustri
• Rússar leggja hald á bankaeignir
• Tveir drepnir í drónaárás Úkraínuhers
• Þakklátur Kínverjum fyrir friðarumleitanir

» Fleiri tengdar fréttir

• Blogga um frétt