Íslenskir strákar eftirsóttir í Danmörku

Kristinn Steindórsson er sagður í sigtinu hjá Espanyol á Spáni.
Kristinn Steindórsson er sagður í sigtinu hjá Espanyol á Spáni. mbl.is/Eggert

Danska blaðið Tipsbladet fjallar í dag um leikmenn íslenska 21-árs landsliðsins í knattspyrnu og segir að stór hluti þeirra leikmanna þess sem enn spila með íslenskum félagsliðum gætu verið komnir í dönsku úrvalsdeildina strax eftir áramótin.

Blaðið byggir þetta á viðtölum við þrjá íslenska umboðsmenn, Guðlaug Tómasson, sem er búsettur í Danmörku, Magnús Agnar Magnússon, sem bjó þar í fimm ár, og Halldór Birgi Bergþórsson.

Blaðið fer yfir þá leikmenn sem leiki á Íslandi en tekur fram að Alfreð Finnbogason sem þegar búinn að semja við Lokeren í Belgíu. Hinir eru Almarr Ormarsson, Elfar Freyr Helgason, Skúli Jón Friðgeirsson, Hjörtur Logi Valgarðsson, Jón Guðni Fjóluson, Kristinn Steindórsson, Kristinn Jónsson, Andrés Már Jóhannesson, Haraldur Björnsson og Guðmundur Kristjánsson.

Sagt er að Nordsjælland fylgist grannt með Elfari og þá er haft eftir Halldóri að spænska félagið Espanyol fylgist með Kristni Steindórssyni. Dönsk lið séu spennt fyrir Kristni og nafna hans Jónssyni, sem og lið frá Noregi, Svíþjóð, Hollandi og Belgíu.

mbl.is

Íþróttir, Fótbolti — Fleiri fréttir

Í gær

Mánudaginn 4. júlí

Sunnudaginn 3. júlí

Laugardaginn 2. júlí

Föstudaginn 1. júlí

Fimmtudaginn 30. júní

Miðvikudaginn 29. júní

Þriðjudaginn 28. júní

Mánudaginn 27. júní