Kvika í kvikuhólfinu undir Svartsengi er nú um 9 millj­ón­ir rúm­metrar og er því orðið jafnmikið og þegar gaus 14. janúar, en þá var talið að kvikan væri á bilinu 9-13 milljón rúmmetrar.

„Nú er búið að endurreikna miðað við nýjustu gögn og það eru rétt tæplega 9 milljónir rúmmetra komnir núna, sem er þá við neðri mörkin sem var áætlað að hefði farið í eldgosinu síðast,“ segir Sigríður Magnea Óskarsdóttir, náttúruvársérfræðingur hjá Veðurstofu Íslands. 

Fyrr í dag greindi mbl.is frá því að kvikusöfnun væri um 6,5 milljónir rúmmetra, en þá höfðu nýju gögnin ekki verið birt. 

Frétt af mbl.is

6,5 milljónir rúmmetra af kviku í kvikuhólfið

Eldfjöll alltaf ólíkindatól

„Þetta þýðir bara það að þetta getur byrjað hvenær sem er,“ segir Sigríður spurð hvað það kunni að þýða fyrir líkur á eldgosi.

„En svo náttúrulega eru eldfjöll alltaf ólíkindatól svo maður getur svo sem aldrei gefið sér neitt í þeim efnum, en miðað við hvað er undir þá er betra að gera ráð fyrir því að það fari að draga til tíðinda fljótlega.“

Tengdar fréttir

Eldvirkni á Reykjanesskaga

Uppfært hættumat: Gasmengunar gæti orðið vart

• „Staðföst í því að standa með Grindvíkingum“
• Taka lán í varúðarskyni
• Grindavíkurumsókn ríkisins líklega samþykkt
• Hafa komið sér saman um forgangsröðun

» Fleiri tengdar fréttir

• Blogga um frétt