„Stór hluti eignanna er í góðu ástandi“
Setja bókamerki
Tengdar fréttir
Eldvirkni á Reykjanesskaga
Fulltrúar Þórkötlu fasteignafélags eru nú í óða önn að taka við eignum í Grindavík af seljendum þeirra.
Í tilkynningu frá Þórkötlu segir að afhendingin fari fram á sérstökum skilafundum og mun Þórkatla taka á móti um 30 eignum í þessari viku og áætlað er að taka við 170 til viðbótar í næstu viku.
„Stór hluti eignanna er í góðu ástandi. Það er töluvert um nýleg vel byggð hús í Grindavík sem sloppið hafa vel frá hamförunum hingað til. Svo eru vissulega hús inni á milli sem þarfnast lagfæringa og einhver hús sem eru mjög illa farin og eiga sér litla framtíð,“ segir Örn Viðar Skúlason, framkvæmdastjóri Þórkötlu, í tilkynningunni.
Hann segir að Þórkatla muni vinna þétt með Náttúruhamfaratryggingu Íslands við að skoða tryggingarstöðu Þórkötlu vegna þeirra eigna sem eru illa farnar
Umsóknir um sölu á fasteignum orðnar 812
Umsóknir frá Grindvíkingum um sölu á fasteignum til Þórkötlu eru nú orðnar 812. Félagið hefur þegar samþykkt kaup á tæplega 700 eignum eða 86% þeirra sem sótt hafa um.
Þinglýstir kaupsamningar eru að nálgast 600 en félagið hefur boðið 640 aðilum eða tæplega 80% umsækjenda kaupsamning til undirritunar. Seljendur hafa fengið um 28,5 milljarða greidda í kaupsamningsgreiðslu og yfirtekin lán frá lánastofnunum nema 14,5 milljörðum króna.
Útlit er fyrir að heildarfjárfesting Þórkötlu í húsnæði í Grindavík verði allt að 75 milljarður í heildina eða um 14 milljörðum króna meiri en áætlað var við setningu laganna um úrræðið. Aukinn kostnaður skýrist að mestu af hækkun brunabótamats á eignum í bænum.
Tengdar fréttir
Eldvirkni á Reykjanesskaga
Vægast sagt ósanngjarnt að tala um ekkert samráð
Kringlan verður lokuð í dag
Áætlar að tíu fyrirtæki hafi orðið fyrir verulegu tjóni
3.300 MW í vinnslu fyrir vindorkuna
„Höfum talað fyrir daufum eyrum“
„Er til bóta en búið að þynna það allt of mikið“