Óhætt er að segja algjör hlutverkaskipti hafi orðið hjá karlalandsliðum Íslands og Armeníu í fótbolta eftir að yfirstandandi undankeppni heimsmeistaramótsins í Katar fór af stað.
Íslenska liðið hefur farið með himinskautum á undanförnum árum, tvisvar komist á stórmót og tvisvar verið naumlega slegið út í umspili.
Armenar hafa hinsvegar skrapað botninn í undankeppnum stórmótanna um árabil og unnu m.a. engan leik í undankeppni EM 2016 og tvo leiki af tíu í undankeppni HM 2018. Þeir hafa oftast vermt annað tveggja neðstu sætanna í sínum riðli.
En nú er öldin önnur í Jerevan og Reykjavík. Armenar gerðu heldur betur vart við sig með því að sigra Ísland 2:0 í annarri umferð undanriðilsins í Jerevan í marsmánuði. Þeir lögðu líka Rúmena að velli þremur dögum síðar og eru komnir með 11 stig í öðru sæti riðilsins, stigi á undan Rúmenum.
Hjá Armenum er því virkilega raunhæft markmið að ná öðru sæti riðilsins og komast í umspilið fyrir HM. Þeir komu reyndar aðeins niður á jörðina í september þegar þeir töpuðu 6:0 fyrir Þjóðverjum og misstu efsta sæti riðilsins í hendur þeirra, og urðu svo að sætta sig við jafntefli gegn Liechtenstein á heimavelli, 1:1.
Greinina í heild sinni er að finna í Morgunblaðinu í dag