Áreitir og kúgar Kimi

Kimi Räikkönen fagnar öðru sæti í kappakstrinum í Bakú með ...
Kimi Räikkönen fagnar öðru sæti í kappakstrinum í Bakú með konu sinni, Minttu Virtanen. AFP

Kimi Raikkonen heftur lagt fram kæru á hendur kanadískri konu í Montreal sem hann segir áreita sig og kúga.

Að sögn kanadíska blaðsins La Presse segist konan, sem er á þrítugsaldri, hafa verið við störf á barnum Velvet Speakeasy árið 2016 er Räikkönen þreifaði á klofi hennar.

„Hann beygði sig fram yfir og renndi annarri hendinni inn í kjólinn og káfaði á brjóstum mínum,“ segir konan við blaðið. „Einn af vinum hans fálmaði ofan í nærbrók mína og snerti á mér kynfærin,“ bætir hún við.

Konan segist ekki hafa lagt fram kæru en lögmenn hennar rituðu nýverið um málið til lögmanna í Kanada er koma fram fyrir hönd Räikkönen.„Skjólstæðingur okkar hafnar öllum ákúrum og telur að konan sé með framferði sínu að brjóta lög,“ segja lögmenn ökumannsins.   

mbl.is