Heimild kvótahafa til þess að flytja aflamark í botnfiski milli fiskveiðiára hefur verið aukin úr 15% í 25% samkvæmt reglugerð sem Kristján Þór Júlíusson, sjávarútvegs- og landbúnaðarráðherra, hefur undirritað.

Fram kemur í tilkynningu á vef Stjórnarráðsins að breytingin hafi verið gerð í þeim tilgangi að stuðla að meiri sveigjanleika við veiðar og vinnslu til að bregðast við áhrifum kórónuveirufaraldursins á íslenskan sjávarútveg.

Bent er á í tilkynningunni að gögn Fiskistofu sýna að hlutfall landaðs botnfiskafla var 65% hinn 15. maí en var tæp 70% á sama tíma í fyrra. „Mikill samdráttur í eftirspurn eftir ferskfiski í heiminum í kjölfar COVID-19 er helsta ástæða þessarar lækkunar en einnig hefur dregið úr eftirspurn fyrir frosnum afurðum á síðustu vikum. Við þær aðstæður var talið rétt að veita tækifæri til frekari sveigjanleika við veiðar og vinnslu með því að hækka heimild til flutnings úr 15% í 25%.“

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt