Lögreglan á Vestfjörðum hefur gefið út ákæru á hendur skipstjóranum á togaranum Júlíusi Geirmundssyni. Hann er ákærður fyrir brot á sjómannalögum eftir að 22 af 25 skipverjum sýktust af Covid-19 á túr í októ­ber og veiðum var haldið áfram þrátt fyr­ir grun um smit um borð.

Greint var frá málinu í kvöldfréttum Ríkisútvarpsins.

Þar kom fram að skipstjórinn sé ákærður fyrir brot á 34. grein sjómannalaga.

Þar segir meðal annars: „Ef ástæða er til að ætla að skipverji sé haldinn sjúkdómi sem hætta stafar af fyrir aðra menn á skipinu skal skipstjóri láta flytja sjúklinginn í land ef eigi reynist unnt að verjast smithættu á skipinu.“

Málið verður þingfest fyrir Héraðsdómi Vestfjarða í janúar.

Tengdar fréttir

Covid-veikir skipverjar á Júlíusi Geirmundssyni

Segir óhugsandi að útgerðin hafi ekki ráðið för

• Sviptur skipstjóri á Júlíusi ráðinn stýrimaður
• Ekki ljóst hvort allir nái heilsu á ný
• Skipstjórinn sviptur réttindum í fjóra mánuði
• „Einsdæmi að stéttarfélag kæri eigin félagsmann“

» Fleiri tengdar fréttir

• 
• 1 blogg um fréttina

Bloggað um fréttina

• Þorsteinn H. Gunnarsson: Júlíus Geirmundsson, stórt og glæsilegt skip með myndarlegt nafni