Raunveruleikastjarnan Kylie Jenner þvertekur fyrir það að hafa gjörbreytt andliti sínu með fegrunaraðgerðum. Segist hún eingöngu hafa farið í varafyllingar, en hún fór í sína fyrstu varafyllingu einungis 17 ára gömul. 

Frétt af mbl.is

Sér eftir að hafa notað fyllingarefni í andlitið á sér

Jenner ræðir fegrunaraðgerðirnar í nýjasta þættinum af raunveruleikaþáttunum The Kardashians sem vefmiðilinn PageSix greinir frá. Segir hún einnig að einn helsti misskilningur fólks um hana sé að hún hafi verið það óörugg sem barn að hún hafi farið undir hnífinn til að breyta andlitinu. Hún hefur hins vegar viðurkennt að hafa fengið sér varafyllingar því hún vildi virðast sætari.

Kom þetta til tals þegar Jenner ræddi við systur sínar, Khloé og Kourtney Kardashian, um áhrif þeirra á samfélagslega fegurðarstaðla. 

Nokkur munur er á útliti Kylie Jenner frá því hún var 16 ára, til vinstri, og í dag, til hægri. Samsett mynd