Dæmdur í 40 til 175 ára fangelsi
Setja bókamerki
Fyrrverandi læknir bandaríska landsliðsins í fimleikum, Larry Nassar, hefur verið dæmdur í 40 til 175 ára fangelsi fyrir að hafa misnotað tugi fimleikakvenna kynferðislega.
Dómur var kveðinn upp yfir honum fyrir skömmu í réttarsal í Michigan.
„Herra, ég gef þér 175 ára dóm, sem eru 2.100 mánuðir. Ég var að enda við að undirrita dauðarefsingu þína,“ sagði dómarinn Rosemarie Aquilina við Nassar er dómurinn var kveðinn upp yfir honum.
Yfir 100 konur og stúlkur sökuðu Nassar um kynferðislega misnotkun og hafa þær deilt hart á yfirvöld íþróttamála að hafa ekkert gert til að stöðva hann.
Á meðal þeirra eru gullverðlaunahafarnir á Ólympíuleikunum, Simone Biles, Aly Raisman, Gabby Douglas og McKalyla Maroney.
„Þú verðskuldar ekki að ganga um utan veggja fangelsins nokkurn tímann aftur,“ sagði Aquilina og bætti við að ógn stafaði af Nassar.
„Þú hefur ekkert gert til að hafa stjórn á þessum hneigðum þínum og hvert sem þú ferð mun eyðilegging eiga sér stað.“
Áður en dómurinn var kveðinn upp baðst Nassar afsökunar á því að hafa misnotað konurnar.
„Tilfinningarnar sem ég er að ganga í gegnum fölna samanborið við sársaukann, áfallið og tilfinningalegu eyðilegginguna sem þið hafið allar gengið í gegnum,“ sagði hann.
„Engin orð geta lýst því hversu sorg mín er djúpstæða yfir því sem gerðist.“
Vill ekki „aumingjalegar“ lækkanir á röngum tíma
Eldgosinu lokið en getum búist við öðru
Kristrún og Bjarni tókust hart á um efnahagsmálin
Vannýtt alþjóðleg tækifæri í heilbrigðiskerfinu
María Sigrún svarar Degi fullum hálsi
„4-5% gólf sem við verðum bara að brjótast í gegnum“
Spá launahækkunum nokkuð umfram kjarasamninga
„Aðför að samfélaginu í heild sinni“