Rannsókn lögreglunnar hafin í Fellsmúla
Setja bókamerki
Rannsókn tæknideildar lögreglunnar á vettvangi eldsvoðans sem varð í Fellsmúla á fimmtudag hófst í morgun.
Lögreglan á höfuðborgarsvæðinu tók við vettvanginum eftir að slökkvistarfi lauk en vegna mikils hita í húsnæðinu fór hún ekki þangað inn fyrr en í morgun.
Því hefur tæknideildin ekki getað rannsakað eldsupptökin fyrr en nú.
„Á þessu stigi málsins er ekki grunur um íkveikju,” segir Ásmundur Rúnar Gylfason aðstoðaryfirlögregluþjónn, aðspurður.
„Eftir daginn í dag getum við svarað meiru um hvert þetta leiðir okkur,” bætir hann við um rannsóknina.
Vinna hefur staðið yfir hjá fyrirtækjunum sem ekki fóru verst út úr eldsvoðanum við að þrífa og undirbúa starfsemina á nýjan leik og þurfa þau ekki að bíða eftir grænu ljósi frá lögreglunni til að opna aftur.
Einum sleppt en þrír áfram í haldi
„Margir lögreglumenn eru í rauninni í tveimur störfum“
Ráðist á 11 ára barn: Fjórða atvikið á skömmum tíma
Her Taívans bregst við heræfingum Kínverja
„Erfiðara fyrir kvikuna að komast upp“
Halla Tómasdóttir þykir hafa staðið sig best
Gætu verið sektuð um 192 milljarða