Karlalið enska knattspyrnufélagsins Newcastle United er um þessar mundir statt í Ástralíu þar sem liðið hefur verið að spila vináttuleiki, örskömmu eftir að tímabilinu lauk formlega.
Newcastle gerði 1:1 jafntefli við Tottenham Hotspur, sem er í Ástralíu í sömu erindagjörðum, á dögunum og mætti svo úrvalsliði áströlsku A-deildarinnar í nótt.
Þar steinlá enska liðið, 8:0. Svo fyllstu sanngirni sé gætt stillti Newcastle upp algjöru varaliði þar sem mjög ungir leikmenn fengu að spreyta sig, margir hverjir í fyrsta skipti.