Málinu rutt í gegn í bullandi ósætti
Setja bókamerki
Tengdar fréttir
Samdráttur í sjávarútvegi
Fjölmargir þingmenn stjórnarandstöðunnar tóku til máls undir liðnum um fundarstjórn forseta á Alþingi og gagnrýndu að fyrirhuguð lækkun veiðigjalda yrði tekin fyrir á þingi í dag.
„Ég vil mótmæla harðlega þeirri dagskrá sem er birt hér fyrir þennan þingfund og ég krefst þess að 11. málið verði tekið af dagskrá,“ sagði Oddný Harðardóttir, þingkona Samfylkingarinnar. 11. málið er einmitt umræða um veiðigjöld.
Meirihluti atvinnuveganefndar hefur samþykkt frumvarp til lækkunar veiðigjald á útgerð. Lilja Rafney Magnúsdóttir, formaður nefndarinnar og þingkona VG, segir að verið sé að endurreikna veiðigjöld miðað við núverandi afkomu útgerða. Oddný segir að það sé verið að afhenta útgerðinni þrjá milljarða.
„Málið verður ekki á dagskrá þingsins í dag,“ sagði Oddný.
„Hér er enn eitt málið sem fær óeðlilega málsmeðferð án samráðs, án samkomulags, í þessu þingi í krafti meiri hluta þings sem lofaði því að efla Alþingi,“ sagði Píratinn Þórhildur Sunna Ævarsdóttir.
Smári McCarthy sagði þetta fyrir neðan allar hellur; að færa mál fram fyrir öll önnur þingmannamál, þar með talin mál sem hafa jafnvel legið tilbúin mánuðum saman.
„Þetta var komið fram í atvinnuveganefnd og var rutt í gegn á mettíma í gær án þess að búið væri að kanna allar forsendur nægilega vel. Það var gert í bullandi ósætti,“ sagði Smári.
Tengdar fréttir
Samdráttur í sjávarútvegi
/frimg/1/50/8/1500878.jpg)
Yazan verður ekki fluttur úr landi
Erlendir fangar sendir til útlanda?
Quang Le: „Ég gerði ekkert rangt“
Einróma stuðningur við virkjanir
„Verða bara eins og „zombíar““
Segja 20 liðsmenn Hisbollah látna
Hefði ekki lagst gegn samþykkt sáttmálans
Ekki hópuppsögn að segja upp fastri yfirvinnu