„Það klikkaðasta sem ég hef séð á ævinni“
Setja bókamerki
Að minnsta kosti einn er látinn eftir að 12 hæða íbúðahús hrundi að hluta í strandbænum Surfside í Miami í Flórída í nótt.
„Þetta er það klikkaðasta sem ég hef séð á ævinni,“ segir sjónarvottur en myndskeið af upplifun hans má sjá í umfjöllun BBC.
Á myndskeiðinu hér að ofan sést hvernig stór hluti byggingarinnar er í rúst eftir atburði næturinnar. 130 íbúðir voru í húsinu, sem var byggt árið 1981, en óljóst er hversu margir eru búsettir þar og hversu margir voru í byggingunni þegar hluti hennar hrundi. Sumir íbúar gátu gengið niður stiga og komið sér í öruggt skjól en öðrum þurfti að bjarga af svölum.
Fjölmennt lið viðbragðsaðila er enn að störfum og eru leitarhundar meðal annars notaðir við leitina sem enn hefur lítinn árangur borið. Tíu manns hafa fengið aðhlynningu á staðnum og tveir hafa verið fluttir á sjúkrahús.
Ekki liggur fyrir hvað olli hruninu. Bæjarstjóri Surfside, Charles Burkett, segir í samtali við NBC-fréttastofuna að húsið hafi fallið saman eins og pönnukaka og því eru aðstæður til leitar erfiðar. „Þetta lítur úr eins og sprengja hafi sprungið en við erum nokkuð viss um að svo hafi ekki verið.“
Verðbólgan þrálátari en gert hafði verið ráð fyrir
Þurfa að taka myndir áður en goslokum er lýst yfir
Mældist á 174 km hraða í gegnum vinnusvæði
Sérkennilegt hjá borginni
„Það er verið að slátra íslenskum heimilum“
Vill ekki „aumingjalegar“ lækkanir á röngum tíma
„4-5% gólf sem við verðum bara að brjótast í gegnum“
Kristrún og Bjarni tókust hart á um efnahagsmálin