Leikarinn Joshua Jackson virðist vera með augastað á nýrri konu, Óskarsverðlaunaleikkonunni Lupita Nyong'o.

Aðeins tveir mánuðir eru liðnir frá því leikkonan Jodie Turner-Smith sótti um skilnað frá Jackson, en þau höfðu verið gift í tæplega fjögur ár. Þau kynntust árið 2018 í afmælisveislu leikkonunnar og trúlofuðu sig tæplega ári síðar. Þau gengu í hjónaband í desember 2019 og eignuðust dóttur í apríl 2020. 

Frétt af mbl.is

Sækir um skilnað eftir 4 ára hjónaband

Jackson og Nayong'o sáust á stefnumóti í Joshua Tree í Kaliforníu á dögunum þar sem þau gengu hönd í hönd. Af myndum að dæma sem birtust á TMZ virtust þau vera mjög heit hvort fyrir öðru.

Myndirnar birtust rúmri viku eftir að þau sáust saman á tónleikum þar sem þau töluðu mikið saman, sungu og dönsuðu. Daginn eftir skrifaði Nyong'o færslu á Instagram þar sem hún tilkynnti sambandsslit sín og Selema Maskela eftir rúmlega tíu mánaða samband.