Umtalaðasta par Hollywood, Taylor Swift og Travis Kelce, hyggst trúlofa sig næsta sumar, en parið mun fagna eins árs sambandsafmæli sínu í júlí. Kelce er sagður hafa viljað fara á skeljarnar yfir jólahátíðina en fregnir herma að parið hafi ákveðið að ana ekki út í svo mikilvæga ákvörðun. 

Frétt af mbl.is

Swift sögð komin með nýjan elskhuga

Frétt af mbl.is

Hætt að fela ást sína

Swift og Kelce, bæði 34 ára, hafa verið á allra vörum undanfarna mánuði, enda opinberað ást sína og tilfinningar hvar sem þau koma. NFL-leikmaðurinn viðurkenndi í september á síðasta ári að hafa verið hrifinn af söngkonunni í þónokkurn tíma og er sagður hafa reynt að koma símanúmerinu sínu til Swift þegar hann sótti tónleika hennar síðastliðið sumar. 

Frá því hafa hlutirnir gengið hratt hjá parinu, en Swift hefur sést í áhorfendastúkunni á ótal leikjum Kansas City Chiefs og Kelce sömuleiðis verið duglegur að sækja tónleika söngkonunnar.

Swift mætti þó einsömul á Golden Globe verðlaunahátíðina í Los Angeles síðastliðinn sunnudag, en Kelce var fjarri góðu gamni vegna leikja og mótahalds.

Frétt af mbl.is

Heitasta par ársins hélt upp á jólin saman

Taylor Swift var stórglæsileg í glitrandi Gucci kjól á rauða dregli Golden Globe. AFP