Ferðaþjónustan er farin að finna fyrir skammtímaáhrifum af eldsumbrotum í Grindavík og fréttaflutningi af þeim erlendis frá því í nóvember, segir Jóhannes Þór Skúlason, framkvæmdastjóri Samtaka ferðaþjónustunnar. Hann segir ferðaþjónustuna hafa átt von á heldur meiri eftirspurn nú í janúar og febrúar miðað við árið í fyrra. Jóhannes kveðst þó bjartsýnn fyrir sumrinu og segir eftirspurn eftir gistingu á höfuðborgarsvæðinu í sumar í raun meiri en í fyrra.

Fréttaflutningur af eldsumbrotum á Reykjanesi er þó ekki það eina sem hefur áhrif því verðlag og verðbólga, sem og gengi krónunnar, gerir það að verkum að ferðir hingað til lands eru dýrari fyrir ferðamenn frá Norður-Ameríku og Evrópu en þær voru í fyrra, en slíkt hefur áhrif á fyrirætlanir ferðamanna. 

Lesa má meira um málið í Morgunblaðinu í dag.