Raunveruleikastjarnan Kim Kardashian hefur verið harðlega gagnrýnd fyrir nærbuxur sem hún setti nýverið í sölu undir vörumerki sínu Skims. Nærbuxurnar, sem eru sagðar vera í þannig sniði að þær passi á allar konur, eru mjg efnislitlar. 

Nærbuxurnar koma í stærðum frá xxs til 4xl og eru úr teygjanlegu efni. Aðdáendur Kardashian eru ekki ánægðir með nærbuxurnar og segja þær nú varla geta kallast nærbuxur. 

„Þetta er ekki g-strengur, þetta er augnleppur,“ skrifaði einn gagnrýnendanna á Twitter. „Þessir örlitlu g-strengir frá Skims eru þeir allra minnstu sem ég hef séð,“ skrifaði annar. „Ég roðna yfir þessum nýja g-streng, hann er svo efnislítill,“ skrifaði sá þriðji. 

Það eru þó ekki alveg allir á sama máli og nokkrar konur sem þrá að eignast strenginn góða og líta út eins og Kardashian í honum. 

Kardashian sýnir reglulega nærfatalínur Skims á Instagram. Hér er hún í aðeins efnismeiri g-streng frá merkinu. Skjáskot/Instagram