Snyrtibuddan | 16. nóvember 2023
12 hlutir sem munu slá í gegn yfir hátíðirnar
Nú eru aðeins rúmar fimm vikur til jóla og eflaust einhverjir farnir að stelast til að spila jólalög, kaupa mandarínur og baka jólasmákökur. Óskalisti vikunnar er sérstaklega hugsaður fyrir vikurnar framundan sem hjá mörgum einkennast mikilli jólastemningu og jólahlaðborðum.
12 hlutir sem munu slá í gegn yfir hátíðirnar
Snyrtibuddan | 16. nóvember 2023
Setja bókamerki
Nú eru aðeins rúmar fimm vikur til jóla og eflaust einhverjir farnir að stelast til að spila jólalög, kaupa mandarínur og baka jólasmákökur. Óskalisti vikunnar er sérstaklega hugsaður fyrir vikurnar framundan sem hjá mörgum einkennast mikilli jólastemningu og jólahlaðborðum.
Nú eru aðeins rúmar fimm vikur til jóla og eflaust einhverjir farnir að stelast til að spila jólalög, kaupa mandarínur og baka jólasmákökur. Óskalisti vikunnar er sérstaklega hugsaður fyrir vikurnar framundan sem hjá mörgum einkennast mikilli jólastemningu og jólahlaðborðum.
Á listanum finnur þú allt það heitasta úr tísku- og snyrtivöruheiminum þessi jólin – en ef marka má tískudrottningar landsins þá verður svart og sexí áberandi í ár.
Glitraðu yfir hátíðirnar!
Það er fátt jafn hátíðlegt og glitur og glimmer og því ætti þessi fallegi kjóll að hitta beint í mark. Fatahönnuðurinn Andrea Magnúsdóttir hannaði kjólinn sem er fullkominn fyrir jólahlaðborðið, jólaboðið, aðfangadagskvöld og áramótin enda er auðvelt að dressa hann upp og niður með skarti, skóm, undirkjólum og yfirhöfnum.
Einfaldleiki sem grípur augað!
Yfir hátíðirnar er gaman að leika sér með mismunandi skart, en margir draga fram meira áberandi skart á þessum árstíma. Þessir eyrnalokkar eru úr samstarfslínu Sunnevu Einarsdóttur með Sunday & Co. og eru einfaldir en grípa augað samstundis.
Klassík sem klikkar aldrei!
Rauður varalitur er ómissandi í allar snyrtibuddur yfir hátíðirnar. Það er þó mikilvægt að velja réttan lit og rétta formúlu svo förðunin haldist á allt kvöldið. Þessi varalitur frá Chanel er nærandi og gefur vörunum hinn fullkomna rauða lit sem klikkar hreinlega aldrei.
Glamúrtoppur!
Það er nauðsynlegt að eiga flottan glamúrtopp í fataskápnum – þennan sem þú getur alltaf gripið í við fínni tilefni og treyst á að lúkki vel við allt. Þessi toppur er úr nýrri línu fatahönnuðarins Hildar Yeoman og hentar fullkomlega fyrir hátíðirnar.
Það sem setur punktinn yfir i-ið!
Blómahálsmen hafa verið að gera allt vitlaust í tískuheiminum undanfarna mánuði. Þau eru stílhrein og einföld en eru á sama tíma oft það sem setur punktinn yfir i-ið!
Mjúkt og hlýtt í kuldanum!
Það er algjört lykilatriði að eiga hlýja kápu fyrir fínni tilefni hér á klakanum, enda algjör óþarfi að láta sér verða kalt þegar svona flottar loðkápur eru til. Þessi passar yfir hvaða dress sem er og tónar fallega við rauða varalitinn!
Það sem tískudrottningarnar vilja!
Íslenskar tískudrottningar hafa verið sérlega hrifnar af svörtum flíkum úr blúndu, en blúndan hefur verið með sterka endurkomu á undanförnum vikum og virðist ætla að taka yfir hátíðirnar.
Látlaus og falleg!
Það er ekki sjálfgefið að hátíðlegar flíkur séu með vösum og því ekkert annað í stöðunni en að eiga látlausa tösku. Þessi taska er frá Hvisk og kemur bæði í brúnu og svörtu. Hún er í fullkominni stærð og því ætti að fara vel um símann, veskið og rauða varalitinn í henni!
Pilsið sem stelur senunni!
Þetta pils er fullkomið fyrir þá sem vilja poppa lúkkið upp með smá glitri og glamúr en vilja þó ekki fara alveg alla leið. Pilsið er hægt að dressa upp og niður, en á myndinni má til að mynda sjá hvernig pilsið tónar við klassíska prjónapeysu og upphá stígvél.
Ilmurinn sem þú færð ekki nóg af!
Nýja ilmvatnið frá Jean Paul Gaultier hefur verið að gera allt vitlaust, enda einstakur ilmur sem þú færð hreinlega ekki nóg af og fallegur boðskapur sem liggur að baki – að sérhver kona sé gyðja. Svo skemmir ekki fyrir hve guðdómleg flaskan er!
Þegar einfalt er best!
Stundum er algjör óþarfi að vera flækja hlutina. Þessir skór eru einfaldir og klassískir, en mjóa táin gefur þeim þó skemmtilegt yfirbragð sem gerir heilmikið fyrir dressið!
Skvísur elska leður!
Það er ekki bara blúndan sem er að gera allt vitlaust þessa dagana heldur líka leðurlúkkið. Þessar buxur eru í sérlega flottu sniði!
/frimg/1/47/93/1479346.jpg)
/frimg/1/49/88/1498830.jpg)
/frimg/1/48/37/1483717.jpg)
/frimg/1/47/95/1479500.jpg)
/frimg/1/50/56/1505698.jpg)
/frimg/1/50/52/1505243.jpg)
/frimg/1/50/4/1500493.jpg)
/frimg/1/45/74/1457480.jpg)
/frimg/1/45/46/1454670.jpg)
/frimg/1/45/55/1455547.jpg)
/frimg/1/45/87/1458771.jpg)
/frimg/1/45/46/1454613.jpg)
/frimg/1/45/71/1457105.jpg)
/frimg/1/45/46/1454697.jpg)
