Sveitarstjórnarráð Framsóknar hvetur sveitarstjórnarfólk um land allt til að greiða fyrir gerð kjarasamninga á vinnumarkaði sem hafa það að markmiði að ná niður verðbólgu og vöxtum í landinu.

„Lækkun vaxta eykur kaupmátt allra heimila. Sveitarstjórnarráð Framsóknar styður að ríki og sveitarfélög tryggi gjaldfrjálsar skólamáltíðir í grunnskólum eins og ríkisstjórn hefur samþykkt enda setur Framsókn barnafjölskyldur í forgang,” segir í ályktun sveitarstjórnarráðsins sem var samþykkt á fundi í gærkvöldi.

Ráðið styður sömuleiðis að dregið verði úr gjaldskrárhækkunum sem snúa að barnafjölskyldum.