Tillaga um lækkun fasteignaskatta felld
Setja bókamerki
Tillaga borgarfulltrúa Sjálfstæðisflokksins um lækkun fasteignaskatta á atvinnuhúsnæði úr 1,65% í 1,60% var felld á borgarstjórnarfundi í kvöld.
Tillagan var felld með níu atkvæðum á móti tólf. Sósíalistaflokkurinn og Flokkur fólksins sátu hjá við atkvæðagreiðsluna.
Allir flokkar minnihlutans boðuðu bókun um málið.
„Ákveðin vonbrigði“
Katrín Atladóttir, borgarfulltrúi Sjálfstæðisflokksins og tillöguflytjandi, segir í tilkynningu sem barst um málið að um ákveðin vonbrigði sé að ræða enda hafi það verið eitt af aðalstefnumálum Viðreisnar fyrir kosningarnar í vor.
„Í sáttmála meirihluta er gert ráð fyrir að fasteignaskattur á atvinnuhúsnæði lækki í 1,60% í lok kjörtímabils eða um 0,05%,“ segir Katrín í tilkynningunni.
Í framsögu sinni sagði hún að fasteignaskattar í Reykjavík muni hækka að meðaltali um tæp átta prósent árlega næstu fjögur árin og að skatttekjur borgarinnar á hvern Reykvíking muni slá ný met árlega á komandi árum.
„Þessar hækkanir eru langt umfram launaþróun, hagvöxt eða tekjuaukningu fyrirtækja í borginni,“ bætir hún við í tilkynningunni.
Kveðst engar kvittanir hafa fengið frá Höllu Hrund
Lögreglan „á svipuðum slóðum og fyrir helgi“
„Það er enginn að setja þennan hóp í forgang“
Dæmigert mál sem ríkisstjórnin hummar fram af sér
Ekki gert ráð fyrir nýjum þyrlupalli
Einn laus úr haldi en annar bæst við
Bíða eftir niðurstöðu frá Landsrétti
Þrælar byggðu ekki pýramídana