„Þetta var allt svo ótrúlega dapurlegt“
Setja bókamerki
Skipverjum á togaranum Polar Nanoq leið ekki eins og grunuðum mönnum þegar þeir sigldu inn í Hafnarfjarðarhöfn eftir að skipið sneri aftur til Íslands í tengslum við rannsóknina á hvarfi Birnu Brjánsdóttur. Þetta segir Niels Jacob Heinesen, kokkur á togaranum, í samtali við færeyska ríkisútvarpið en hann er frá Færeyjum.
Heinesen var spurður að því hvernig það hafi verið að koma til Hafnarfjarðar þar sem fjöldi lögreglubíla hafi beðið eftir togaranum og sagði hann að það hefði verið furðuleg og fjarstæðukennd upplifun. Hann hefði margoft komið til Hafnarfjarðar á undanförnum sex árum og alltaf fundist eins og hann væri kominn heim þegar þangað væri komið.
„Þetta var allt svo ótrúlega dapurlegt,“ sagði hann. Skipverjar hafi ekki upplifað sig sem grunaða menn en aðstæður hafi verið hörmulegar og óraunverulegar.
Ríkisútvarpið greinir frá þessu.
Veltir ekki fyrir sér sveiflum í könnunum
Ekki gert ráð fyrir nýjum þyrlupalli
Börnin sem leitað var að eru fundin
Einn laus úr haldi en annar bæst við
Námundun og frávik í könnunum
Skýrslutökur halda áfram í vikunni
Lögreglan „á svipuðum slóðum og fyrir helgi“
Ördæmi um óréttlæti sem fylgi íslensku krónunni