Svakalegur færeyskur sigur

KÍ Klaksvík vann risasigur á ungverska stórveldinu Ferencváros, 3:0, í fyrstu umferð Meistaradeildar karla í knattspyrnu í Ungverjalandi í dag. 

Fyrri leikur liðanna í Færeyjum í síðustu viku endaði með markalausu jafntefli.

KÍ Klaksvík mætir því Valgeiri Lunddal Friðrikssyni og liðsfélögum hans í Häcken í annarri umferð Meistaradeildarinnar í næstu viku, en á sama tíma mætir Breiðablik liði FC Köbenhavn. 

Fyrir leik var lið Klaksvíkur talið mun ólíklegra en Ferencváros er Ungverjalandsmeistari sem og stórveldi í ungverska fótboltanum.

Öll þrjú mörk KÍ komu í fyrri hálfleik. Heimamaðurinn Árni Frederiksberg skoraði tvö þeirra og Fílabeinsstrendingurinn Luc Kassi það þriðja. 

Þetta var magnaður árangur hjá Færeyingunum en líkt og Breiðablik, tryggði KÍ sér með þessu sæti í um­spili um að kom­ast í riðlakeppni vetr­ar­ins, í ein­hverri þriggja Evr­ópu­keppn­anna.

Frétt af mbl.is

Blikarnir hafa brotið blað

• Blogga um frétt