Eldur kviknaði í bifreið á bílastæði við Árbæjarkirkju á ellefta tímanum í dag. Þegar slökkviliðsmenn komu á vettvang var búið að slökkva eldinn að mestu með duftslökkvitækjum. Eldurinn logaði undir vélarhlífinni.
Að sögn varðstjóra hjá Slökkviliði höfuðborgarsvæðsins sakaði engan. Slökkviliðið sprautaði vatni á bílinn til að kæla hann niður og koma í veg fyrir að eldur blossaði upp á nýjan leik.
Talið er að eldurinn hafi kviknað vegna bilunar.
Að sögn varðstjórans þá hefur verið hefðbundinn erill í sjúkraflutningum, mest í tengslum við veikindi.